Galego 
Español 
English 2ª edición do Programa EMPREGA-T
Desde a Universidade da Coruña poñemos en marcha a 2ª edición do Programa EMPREGA-T con novos contidos e actividades e gustaríanos contar coa súa imprescindible colaboración para difundir esta iniciativa entre o alumnado.
EMPREGA-T é o programa que axuda a dar o salto do ámbito universitario ao mundo profesional con máis seguridade e confianza. Está deseñado para acompañar ao estudantado na definición do seu obxectivo laboral e na mellora do seu perfil profesional; dirixido ao alumnado de grao, mestrado, doutoramento e persoas recentemente egresadas.
Ofrece dous tipos de actividades diferenciadas:
§ Obradoiros de emprego e emprendemento (12 obradoiros de carácter práctico) cuxa temática a modo de resumo sería:
o Apoio na preparación do CV, mellora do perfil de LinkedIn e adestramento para entrevistas tendo en conta o impacto da IA nos procesos de selección.
o Información actualizada sobre prácticas, emprego e saídas profesionais.
o Formación práctica en competencias transversais clave demandadas polas empresas e que marcan a diferenza no mercado laboral.
o Impulso do espírito emprendedor, da capacidade para detectar e validar oportunidades reais de negocio e apoio á creación de proxectos propios.
o Facilitar o acceso a recursos, redes e ferramentas clave, en definitiva, a conexión co ecosistema emprendedor da contorna
Lugares: A Coruña e Ferrol (ver programa no arquivo adxunto)
§ Visitas e experiencias coas empresas para mellorar o coñecemento do mercado laboral.
Programa gratuito para todas as persoas participantes, con posibilidade de solicitar 1 crédito ECTS para o estudantado que asista ao 80% das actividades propostas.
O noso obxectivo e chegar ao maior número posible de estudantes e tituladas/os; para isto, agradeceriamos a súa colaboración e a difusión a través das súas canles habituais propias (web, redes sociais, listaxes de correo, aulas etc) xa que redunda en benefizo de todo o alumnado.
Estamos a súa disposición para a aclaración de calquera dúbida sobre este programa a través do correo da Unidade de Emprego UDC emprego.vee@udc.gal" style="border: 0px; font: inherit; margin: 0px; padding: 0px; vertical-align: baseline;">emprego.vee@udc.gal ou polos teléfonos de contacto.