Cátedra Epifanio Campo presenta unha nova edición do "Curso de Xestor de Residuos: a actividade profesional verde"

A Cátedra Epifanio Campo presenta unha nova edición do Curso de Xestor de Residuos: a actividade profesional verde, que se impartirá do 20 ao 24 de xullo de 2026.

O obxectivo do curso é introducir ao estudante nos coñecementos e competencias básicas necesarias no ámbito da xestión de residuos industriais. Deseñouse desde un enfoque principalmente profesional, tendo en conta tanto a perspectiva do xestor de residuos autorizado como a de calquera industria xeradora de residuos.

O curso está dirixido a estudantes universitarios, titulados universitarios e profesionais do ámbito industrial que queiran desenvolver no futuro a actividade profesional de xestor de residuos, figura profesional que forma parte do chamado “emprego verde”, un dos empregos con mellores perspectivas de futuro.

Datas: 20, 21, 22, 23 e 24 de xullo de 2026.

Horario: De 9 a 14 h. (O 23 de xullo pola tarde realizarase unha visita guiada ao Centro de Tratamento de Residuos Industriais de Galicia (CTRIG), xestionado por SOGARISA, Parque Empresarial As Somozas, S/N, 15565 As Somozas, A Coruña).

Duración: 30 horas presenciais (Recoñecemento académico de 3 créditos para estudantes da UDC).

Lugar: Aula 03 da Escola Politécnica de Enxeñaría de Ferrol (EPEF), Campus Industrial de Ferrol.

Prazas: 30.

Inscrición: ata o 22 de xuño de 2026.

Máis información na seguinte https://www.rodonitamedioambiente.com/actividades-25.