BENVIDA CURSO 2024-2025
Prezadas/os estudantes:
Dámosvos a benvida á Facultade de Ciencias. Este correo é para informarvos das normas de inicio do curso 2024-2025.
Estudantes matriculados por primeira vez na Facultade de Ciencias
(de 1º curso de grao, ou por traslado de expediente, ou mobilidade SICUE)
A Xornada de Acollida para o alumnado matriculado por primeira vez nunha titulación de Grao terá lugar o vindeiro luns 9 de setembro ás 10:00 na Facultade de Ciencias. As actividades e aulas poden ser consultadas na primeira páxina destas ligazóns:
Programa de Simultaneidade dos Graos en Bioloxía e Química
Grao en Nanociencia e Nanotecnoloxía
Estudantes do resto dos cursos DE GRAO (2º en diante).
Consultar a información na Web da Facultade de Ciencias.
Información sobre os grupos das quendas de mañá e tarde para
estudantes de primeiro e segundo doGrao en Bioloxía
Por necesidades de organización docente, o alumnado do Programa de Simultaneidade e o matriculado en materias en inglés será asignado á quenda da mañá para as clases de docencia expositiva e interactiva. O resto do estudantado de 1º e 2º do Grao en Bioloxía poderá ir na quenda da mañá ou da tarde en función da matrícula e das necesidades organizativas do centro. Información sobre esta asignación será facilitada a partires do venres 13 de setembro.
Na Web da Facultade de Ciencias tedes á vosa disposición a normativa (ligazón) e o modelo de solicitude de quenda (ligazón)
Data límite de solicitude:
Estudantes de 1º de Bioloxía: mércores 11 de setembro ás 14:00 h
Estudantes de 2º de Bioloxía: martes 10 de setembro ás 14:00 h
Información para estudantes de todos os cursos e titulacións
Tamén vos queremos informar de que desde hoxe só recibiredes información procedente desta facultade (administración, decanato, coordinadores de grao, curso ou materia, etc.) ao voso correo institucional con dominio @udc.es ou @udc.gal. É moi importante que activedes a vosa conta canto antes: https://servizos.udc.es/activacion
|
Servizos UDC - Activación - Activación de novo usuario Activación de novo usuario. Se es un novo membro da UDC debes proceder a activar os teus servizos. Precisamos o código de activación e o número e tipo de documento co que te identificaches diante da UDC, no momento de formalizar a túa matrícula ou o teu contrato. servizos.udc.es |
Ligazóns de interese:
Web da Facultade de Ciencias–https://ciencias.udc.es/gl/
Cronogramas detallados de docencia do primeiro cuadrimestre e coordinadores de curso (poderían ter lixeiras modificacións ao longo dos primeiros días do curso):
- Grao en Bioloxía
- Grao en Química
- Programa de Simultaneidade do Grao en Bioloxía e o Grao en Química
- Grao en Nanociencia e Nanotecnoloxía
Correo da Administración de Ciencias (dispoñible dende o 15 de agosto)
administracion.ciencias@udc.es
Un cordial saúdo,
O decano, Andrés Martínez Lage