V Edición das Bolsas de Posgrao da Fundación Tomás Notario Vacas

Dirixímonos a vostedes para informarlles da recente convocatoria da V Edición das Bolsas de Posgrao da Fundación Tomás Notario Vacas, dirixida a titulados e tituladas universitarias que desexen ampliar a súa formación académica e profesional en centros de prestixio, tanto nacionais como internacionais, durante o curso académico 2026‑2027.

Estas bolsas teñen como obxectivo impulsar o talento, a excelencia académica e contribuír ao progreso económico e social de Galicia, e están dotadas cunha contía máxima de ata 40.000 euros.

O prazo de presentación de solicitudes remata o 31 de maio de 2026, e o proceso realízase a través do formulario dispoñible na nosa páxina web.

Agradeceriámoslles enormemente a súa colaboración na difusión desta convocatoria entre o seu alumnado, persoas colexiadas ou tituladas que poidan estar interesadas, co fin de que esta oportunidade chegue ao maior número posible de potenciais candidatos/as.

Para máis información e consulta das bases completas, poden acceder á nosa web ou no noso correo electrónico.

Quedamos á súa disposición para calquera aclaración adicional que consideren necesaria e agradecémoslles de antemán a súa colaboración.